منتدى عراق الخير

منتدى عراق الخير

بسم الله الرحمن الرحيم ........ مجموعة من الموضيع العامة من الفيديو العاب صور صوتيات رياضة نكت
 
الرئيسيةاليوميةس .و .جبحـثالأعضاءالمجموعاتالتسجيلدخول
                                            منتدى   عراق    الخير     يرحبكم                      المنتدى مفتوح لجميع الزائرين والاعضاء لطرح مواضيعهم مع تحيات ادارة المنتدى                            كن مشرفا في المنتدى قم بالتسجيل كعضو ثم اطرح مساهماتك لتحصل على رتبة المشرف سارع بالتسجيل                حسين التميمي بعد النجاح الكبير في ادارته لموقع فريق اسود الطويسة قررة مجموعة من الاعبين الفريق وبأداره انشاء هذا المنتدى ......       

شاطر | 
 

  أبوذيات بحق محافظات عراقنا الحبيب

اذهب الى الأسفل 
كاتب الموضوعرسالة
حسين التميمي
Admin
Admin
avatar

عدد المساهمات : 220
نقاط : 5869
تاريخ التسجيل : 06/08/2011
العمر : 28

مُساهمةموضوع: أبوذيات بحق محافظات عراقنا الحبيب    الأربعاء أغسطس 10, 2011 9:11 pm

وحگ الواســـــــــــــــــــع بسمعه و ........ بصره
وعدوي لو نظرني بشــر ماخوفني .......... بصرة
بصري انه ولحد المــــوت اعشگ .......... البصرة
تواصلني بأصالتهه وبهواها موصل
***********
سليكون بهواكم لاني عــازل لاني ......... موصل
رحمة الله عالما گطع رحـمه ودوم ......... موصل
هايم بأرض نبي الله يونس الشگرة ........ موصل
لو ما هي ما حلت بعيوني بغداد***


الف وســـــــــــــــــفة الانيقة تنظلم ......... بغداد
سلام الله على باب لحوائج اســــد ........ بغداد
بالارض جنة وروعة سمــــــــــــــــــا ......... بغداد
الشر غير لونهه من بيضة الرمادي

*نار الغــــــــــــــــــدر تطفى وتصبح ........... رمادي
خلي منطقك ابيض دوم وتحاشـــة ........ الرمادي
حي الله اهل الكرم والــــــجود اهل ........ الرمادي
بالغيرة جبل عالي وضميرهم مايوم جف*
نشف ريجي وشما ارتوي رد انوب ............. وجف
مااشبع من زيارة علي وحب اهل .......ـ.... النجف
گلبي سمچة وتايهه ابـــــــــــــــحر .......... النجف
يأرض المذهب الشيعي ومنبع الدين
**********
شما توفي تضــــل مطــلوب للجبار ............. دين
اليواسيك بدمعته ترى حـتى الدمعة ........... ديـن
اخذ عروبة وحـــــــــــلم من صلاح ............. الدين
اهل چلمة وبيـــــــــــــــــهم الوفى حله
*********
حبيبي مرافگ الزغـــــــــران وترك .............. حله
بالك تحرم شــــي الله بجلاله امر .............. حله
يالتسئل عالـــــــــحلو ترى الحلو ............... الحلة
شافت ضيم وقهر وفوگ القهر بله
***********
گلبك لا يجــــــــــــــف وبرقتك دوم .............. بله
وهلدمعة عالـــــــــــــــجره برض ............ كربله
اسودت بوجه الحسين ونجمعت كرب.......... وبله
لامامي ما أبطل زيارته ومد ايدي اله
**********
المدي ايده ما ستنكف من مد ............ ايدي اله
ونطي وجه ريان مثل برتقال ............. ديـــــــالى
ثلث الطگ للـــــوطن وثلثين ............ لديالــــــــى
صرح هيب بداخلي ومبنية عمارة
**********
قيمة البشر مو فلوس وسـيارة ............ وعمارة
البشر للموت يمشي شما طالت .......... اعمارة
مدرسة غيرة وزلــــــــــــــم ارض .......... العمارة
للحگ فزعو فرد فزعة وكلهم ناصرينة
***********
ثلة ارجــــــــــالسبعين لحسين ......... ناصرينه
اما من نـــــــــــــــــــــــاصر وقلة .......... ناصرينه
بالرجال مجربة كـــــــــــــــــدهه ......... الناصرية
اخلاقها بالعرف مضيف وديوانية
***********
ضيفي اله عيــــــــــوني وصدري .......... ديوانية
بالشعر اسولفله شـــــعر ونظلمه .......... ديوان
يالگاصد ارض الــــــــــــعاصمة مر........ بالديوانية
تلگاها ابية نفس هي مثل كركوك
********
جميلة مكـــــــــــــــــــحلة بالنفط ........... كركوك
وعيون الطــــــــــمع كلهه على ............ كركوك
العرب گالت الي والكرد تتمــنى ............. كركوك
تندرج لقليمهم وتصبح مثل اربيل
**********
حر البصــــــــــــرة ماينحمل ومعتدلة.......... اربيل
طبيعة وبالشـــــــــــــــــــــــــكل اوربا ......... اربيل
اريد انشدكم ياعرب هم عدكم نفس ......... اربيل
عروس الوطن ومكمل حسنهه السليمانية
************
مغرورة بحلاوتهه حگـــــــــــــــــــــها ...... السليمانية
اتفك الصدربسحرها وجبلــــــــــــــهه ..... السليمانية
جمال وحسن منــــــــــــــــــظر اهل ...... السليمانية
بس لو تصعد للثريا ما تلحگ البصرة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://iraqalkher.forumgreek.com
 
أبوذيات بحق محافظات عراقنا الحبيب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى عراق الخير :: قسم الشعر النكت :: الاشعار العراقية والنكت المضحكة-
انتقل الى: